Xəzər Xəbər

Xərçəngə qarşı vaksinlər gəlir - Uğur Şahin tarixi açıqladı

Dünya | 11:54 • 19 Oktyabr 2021
Xərçəngə qarşı vaksinlər gəlir - Uğur Şahin tarixi açıqladı

Almaniyalı türk həkim, "BioNTech" firmasının icraçı direktoru, professor Uğur Şahin Yunanıstanın "Kathimerini” qəzetinə verdiyi açıqlamalarla gündəmə gəlib. 
 
Professor mRNA texnologiyasından istifadə edilərək hazırlanacaq xərçəng peyvəndlərindən danışıb. O, yaxın zamanlarda sözügedən xəstəliyin vaksinlərlə müalicə edilə biləcəyini deyib:

"20 ildən çoxdur, kök hüceyrələrlə işləyirik və bu texnologiya ilə bağlı məlumatlarımız var. 4 il əvvəl melanoma (xərçəng növü) xəstələri üzərində araşdırmalar apardıq. İndi də yüzlərlə xəstə ilə sınaqlar davam edir. Bu testlərin nəticələrini isə gələn il və ya 2023-cü ildə alacağıq. Nəticələr müsbət olarsa, ilk xərçəng peyvəndlərinin təsdiqlənməsi 2, 3 və ya 4 ildən sonra yekunlaşa bilər. İstədiyimiz şey sağalan şəxslərdə xərçəngin yenidən təkrarlanmasının qarşısını almaqdır".

"BioNTech” şirkətinin qurucularından olan Özlem Türeci isə müsahibə zaman COVİD-19 məsələsinə toxunub. O, pandemiyanın nə zaman bitəcəyindən danışıb:
"Bir müddət virusla yaşayacağıq. Bu, bizim yeni normamız olacaq, öyrəşəcəyik və virusun qorxudan tərəfləri aradan qalxacaq. Zamanla koronavirus qrip kimi olacaq, vaksinasiya ediləcək, nəticədə uzun müddətli müdafiə əldə edə biləcəyik. Lakin bu, dünyanın qarşılaşdığı sonuncu ölümcül pandemiya olmayacaq. Yəni hazır olmalıyıq”./Sfera.az

Xəbər lenti

Çox oxunanlar