Britaniya hökuməti 2050-ci ilə qədər elektrik enerjisindən asılılığı azaltmaq üçün yeni Atom Elektrik Stansiyası (AES) tikmək qərarına gəlib.
Bu barədə “The Times” nəşri məlumat yayıb.
Bildirilir ki, hökumət Uelsin şimal-qərbində yerləşən Anqlsi adasında 1 milyard dollarlıq reaktorun inşası üçün layihə hazırlamaq üçün Amerikanın “Westinghouse” şirkəti ilə danışıqlar aparır.
Yeni AES-in gücü 6 milyondan çox evi elektrik enerjisi ilə təmin edəcək və gələcək onilliyin ortalarında istifadəyə verilə bilər.
Qeyd edək ki, 1971 -ci ildən etibarən Anqlisi adasında iki enerji bloklu “Wilfa” AES fəaliyyətə başlayıb. Lakin 2015-ci ildə istismardan çıxarılıb.