Rusiya Prezidenti Vladimir Putin onun ətrafında çoxlarının koronavirusa yoluxduğunu, bu səbəbdən özünün də karantinə gedə biləcəyini söyləyib.
TASS informasiya agentliyinə istinadla xəbər verir ki, bu barədə Vladimir Putin sentyabrın 13-də paralimpiyaçılarla söhbətində bildirib.
“Təəssüf ki, bizdə, hətta mənim çevrəmdə hazırda da bu kovidlə bağlı problemlər meydana çıxır, həkimlər öyrənirlər”, - deyə dövlət başçısı vurğulayıb.
Reallıqda nə baş verdiyini araşdırmaq lazım gəldiyini qeyd edən Rusiya Prezidenti deyib: “Mənim özümə də tezliklə karantin lazım gələcək, həddən çox insanlar xəstələnir”.