Bakı 27 ℃
Xəzər Xəbər
USD 1.7

Çinin Uhan şəhərində qasırğa 6 nəfərin ölümünə səbəb olub

Dünya | 99 | 09:29 • 15 May 2021
Çinin Uhan şəhərində qasırğa 6 nəfərin ölümünə səbəb olub

Çinin Uhan şəhərində mayın 14-də axşam saatlarında baş vermiş qasırğa nəticəsində 6 nəfər ölüb, 218 nəfər müxtəlif dərəcədə bədən xəsarəti alıb.

Uhan hökumətinin açıqlamasında qeyd olunur ki, sürəti saniyədə 24 metrə çatan külək evlərdə, tikintisi davan edən binalarda dağıntılar törədib, xeyli ağacı kökündən qoparıb, kommunikasiya xətlərinə ziyan dəyib. İlkin araşdırmaya əsasən, 27 ev dağılıb, 130 evə ziyan dəyib, elektrik xətlərinin qırılması nəticəsində 26 mindən çox evin elektrik təchizatı dayanıb. Bundan başqa, tikinti sahəsində olan qülləli 2 kranın aşdığı bildirilir.

Çinin Ciansu vilayətinin Sucou şəhərində baş verən qasırğa isə bir nəfərin ölümünə, 2 nəfərin ağır yaralanmasına səbəb olub. Şəhərin Şencı qəsəbəsində evlərə və elektrik xətlərinə ziyan dəyib.

Xəbər lenti

DİN azarkeşlərə müraciət etdi
24 | 13:52 • 12 İyun 2021

Çox oxunanlar