Koronavirus kimlərdə xroniki xəstəliyə çevrilir?

Koronavirus infeksiyası bəziləri üçün ciddi xroniki xəstəliyə çevrilə bilər.

Rusiya mətbuatı xəbər verir ki, bu barədə Molekulyar Biologiya İnstitutunun hüceyrə yayılması laboratoriyasının rəhbəri, Rusiya Elmlər Akademiyasının müxbir üzvü Pyotr Çumakov məlumat verib. Alimin sözlərinə görə, bu vəziyyət xüsusilə immuniteti zəifləyən insanlar üçün xarakterikdir:

“Bu kimi hallar var və adətən immuneti zəif olan insanlarda olur. İmmun çatışmazlığı olan insanlar virus yükünü azaltmağa və bu xəstəliyin öhdəsindən gəlməyə qadir deyil. Koronavirusun xroniki mərhələyə keçməsi mutasiyaya səbəb olur. Nəticədə orqanizmdə yeni ştammlar meydana çıxır. Hər zaman təkrarlandığı üçün təsadüfi mutasiyalar ortaya çıxır. Sonra bu mutasiyalardan xəstəyə ən uyğun olan virus variantları ayrılır”./publika.az