Bakı 5 ℃
Xəzər Xəbər
USD 1.7

Dənizdə batan gəmidə 12 nəfər ekipajın olduğu bildirilir

Dünya | 253 | 19:06 • 17 Yanvar 2021
Dənizdə batan gəmidə 12 nəfər ekipajın olduğu bildirilir

Qara dənizin Türkiyə səmtində, Bartın vilayətinin İnkumu sahillərinə yaxın ərazidə batan Rusiya dövlət bayraqlı "Arvin” adlı quru yük gəmisinin ekipajından altı nəfər xilas edilib, dörd nəfərin cəsədi tapılıb.


Xezerxeber.az xəbər verir ki, Bartın limanındakı gəmilər və Türkiyənin Fövqəladə Halların İdarə Olunması Agentliyi heyəti axtarış-xilasetmə işlərini davam etdirir. Türkiyə Milli Müdafiə Nazirliyi qəza hövzə rayonuna kömək üçün kater göndərib.


Bartın valisi Sinan Güner açıqlamasında bildirib ki, "Arvin” Gürcüstandan Bolqarıstana yük daşıyırmış. Gəminin Bartın limanı ilə əlaqəsi olmadığı üçün digər məlumatlar yoxdur. Gəmidə 12 nəfər ekipajın olduğu bildirilir.


İlkin məlumata görə, "Arvin” gəmisinin batmasına əlverişsiz hava şəraiti səbəb olub. Hazırda Qara dənizdə fırtınalı hava hökm sürür.

Çox oxunanlar