Qazaxıstan hakimiyyəti koronavirusun yayılmasının qarşısını almaq məqsədilə Nur-Sultan, Almatı və Çimkənt şəhərlərində karantin rejiminin gücləndirilməsi barədə qərar qəbul edib.
Qərara əsasən, martın 28-i saat 00:00-dan etibarən bu şəhərlərin sakinlərinin evdən çıxışına qadağa qoyulub. Nur-Sultan, Almatı və Çimkənt sakinləri evlərini yalnız işə getmək, habelə dərman vasitələri və ərzaq məhsulları almaq üçün tərk edə bilərlər.
Qeyd edək ki, bugünədək Qazaxıstanda 109 nəfər koronavirusa yoluxub.