Hər bir yaş qrupunda ürək-damar xəstəliklərindən ölüm halları azalır

Dünyada hər il 500 milyondan artıq insan ürək-damar xəstəliklərinə məruz qalır. Xəstələnmə sayı ildən-ilə artır.

Xezerxeber.az xəbər verir ki, bunu Dövlət Gömrük Komitəsi Tibbi Xidmət İdarəsinin rəisi, tibb xidməti general-mayoru Ceyhun Məmmədov Ümummilli Lider Heydər Əliyevin 100 illiyinə həsr olunmuş "Kardiologiyada yeni çağırışlar" beynəlxalq elmi konqresində çıxışı zamanı deyib.

Onun sözlərinə görə, standartlaşdırılmış statistikaya əsasən, hər bir yaş qrupunda ürək-damar xəstəliklərindən ölüm halları azalır. Bu da yeni müalicə metodları və innovativ texnologiyaların hesabınadır.