Xəzər Xəbər

Həkimlərin maaşına əlavənin müddəti uzadılıb

Cəmiyyət | 12:38 • 8 Dekabr 2022
Həkimlərin maaşına əlavənin müddəti uzadılıb

Bakıda koronavirus xəstələrinə yardım göstərən tibb işçilərinin əməkhaqqına əlavənin müddəti uzadılıb.

Xezerxeber.az xəbər verir ki, Azərbaycanın Baş naziri Əli Əsədov bununla bağlı qərar imzalayıb.

Belə ki, “Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına müddətli əlavənin müəyyən edilməsi barədə” barədə qərarda dəyişiklik edilib.

Qərara əsasən, Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına əlavənin ödənilməsi müddəti 2023-cü ilin yanvarın 1-dək uzadılıb.

Xəbər lenti