Xəzər Xəbər

Pensiyalar artırılıb

Əmək və Əhalinin Sosial Müdafiəsi Nazirliyi məlumat yayıb
Cəmiyyət | 10:02 • 16 Avqust 2022
Pensiyalar artırılıb

2022-ci ilin yanvar-iyul aylarında pensiya ödənişlərinə ötən ilin müvafiq dövrünə nisbətən 6 faiz (164 mln. manat) çox olmaqla 2 mlrd. 882 mln. manat vəsait yönəldilib.

Əmək və Əhalinin Sosial Müdafiəsi Nazirliyindən xezerxeber.az-a verilən xəbərə görə, pensiyalarda artım dinamikası davam edib.

Bu ilin 1 avqust tarixinə pensiyaların orta aylıq məbləği 11,7 faiz artaraq 368 manata, yaşa görə orta aylıq pensiya 11,3 faiz artaraq 399 manata çatıb.

Cari ilin əvvəlindən minimum aylıq pensiya daha 20 faiz artırılaraq 240 manata çatdırılıb, pensiyaların sığorta hissəsi indeksləşdirilib, habelə pensiyaçılara maddi yardımların ayrılması təmin edilib. 1,2 mln pensiyaçını əhatə edən həmin artımlar üçün illik 440 mln. manat əlavə vəsait ayrılıb.

Yanvar-iyul aylarında 17,2 min, elektron pensiya təyinatına başlandığı 2019-cu ilin əvvəlindən 65,5 min pensiya təyinatı e-sistem üzərindən proaktiv qaydada həyata keçirilib.

Xəbər lenti