Həkimlərdən XƏBƏRDARLIQ: Bu xəstəlik yayda 3 dəfə artır

İshal halı yayda 3 dəfə artır.

İstidən xarab olan yeməklər, çirkli su içmək və bu sularla yuyulmuş meyvə-tərəvəzləri istehlak etmək, çirklənmiş hovuzla dəniz suyunu udmaq. Yay aylarında bu amillərin yaratdığı ishal qış aylarına nisbətən bu günlərdə 3 dəfə çox olur.

Daxili Xəstəliklər Mütəxəssisi Dr. Kerim Çıkım, xəbərdarlıq edib ki, "Bu xəstəlik həyat keyfiyyətini pozmaqla yanaşı, xüsusilə azyaşlı uşaqlarda, xroniki xəstələrdə və yaşlı insanlarda həyat itkisinə səbəb ola bilər. İtirilən mayenin tez bir zamanda yerinə qaytarılması lazımdır, əks halda maye itkisi ilə birlikdə elektrolit, yəni duz balansı itkisi də olur. Nəticədə ürək ritminin pozulması və aşağı təzyiq kimi həyati təhlükə yaradan problemlər yarana bilər. Ona görə də ishal yarandıqda bol maye qəbul etmək həyati əhəmiyyət kəsb edir”. 
 
İsti havada qidalar daha tez xarab olur. Bu qidaların başında ət, toyuq və balıq kimi daha çox diqqət tələb edən qidalar dayanır. Çöldə yediyimiz belə qidalar bir neçə saat piştaxtanın üstündə saxlandıqda isti havanın təsiri ilə tez xarab ola bilir. 
 
İnfeksiyaya səbəb olan mikroblar da korlanmış qidalarda sürətlə çoxalır və ishala səbəb olur. Sağlamlıq və gigiyena şərtlərinə kifayət qədər diqqət yetirməmək ishalın digər mühüm faktorudur.
 
Məsələn, yemək hazırlayan və ya təqdim edən şəxsin əlləri təmiz deyilsə və onun xəstəliyi varsa, mikroblar tez bir zamanda qidaya yoluxa bilər. Yenə çirkli suların qəbulu və bu su ilə yuyulan meyvə-tərəvəzlərin istifadəsi yayda ishala səbəb olan digər amillərdir. Bundan əlavə, hovuzlarda və dənizlərdə udulmuş çirklənmiş su da ishala səbəb ola bilər./azxəbər