Xəzər Xəbər

Dövlət Komissiyasına müraciətlərin sayı artıb

Cəmiyyət | 16:59 • 22 Sentyabr 2021
Dövlət Komissiyasına müraciətlərin sayı artıb

Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının “802 - qaynar xətt” telefon xidmətinin fəaliyyət istiqamətlərinə dair hazırlanmış sosial lövhələrin, videoçarxın metronun stansiyalarında, bir sıra küçə və prospektlərdə, ticarət mərkəzlərində və televiziya kanalları vasitəsilə mütəmadi yayımlanmasından sonra daxil olan vətəndaş müraciətlərinin sayı artıb.

Komissiyanın İşçi qrupundan xezerxeber.az-a bildiriblər ki, bu il avqustun 20-dən sentyabrın 15-dək “qaynar xətt” zəng xidmətinə 213 müraciət daxil olub. Onların 72-si narkotik vasitələrin qanunsuz dövriyyəsi, 66-sı narkotik asılılıqdan müalicə, 75-i isə digər məsələlər ilə bağlı olub. Həmin müraciətlər üzrə müvafiq tədbirlərin görülməsi üçün Daxili İşlər Nazirliyinin Baş Narkotiklərlə Mübarizə İdarəsinə və Səhiyyə Nazirliyinin Respublika Narkoloji Mərkəzinə ümumilikdə 138 məktub ünvanlanıb.

Beləliklə, narkotik vasitələrin və narkomanlığın yayılmasının qarşısını almaq məqsədilə “802 - qaynar xətt” zəng xidməti vasitəsilə aidiyyəti təşkilatlarla və vətəndaşlarla operativ qaydada əlaqələndirilmə təmin edilərək, narkotik vasitələrin qanunsuz dövriyyəsinə dair verilən məlumatlar əsasında müvafiq cinayət işləri qaldırılıb və qanunsuz dövriyyədən külli miqdarda narkotik vasitələr götürülüb. Eləcə də narkotik istifadəçiləri könüllü müraciətləri əsasında ixtisaslaşmış tibb müəssisələrində müalicəyə yönləndirilib, narkotik asılılıqdan əziyyət çəkən ailələrə psixoloji dəstək və mövcud qanunvericiliyin müddəaları izah edilərək zəruri tövsiyələr verilib.

Xəbər lenti

Devalvasiya gözlənilir? VİDEO
20:31 • 24 Oktyabr 2021
Polis Masallıda reyd keçirib
16:11 • 24 Oktyabr 2021