Xəzər Xəbər

Müəllimlərin işə qəbulu imtahanlarında 46 min 930 namizəd iştirak edib

Cəmiyyət | 15:32 • 5 Avqust 2021
Müəllimlərin işə qəbulu imtahanlarında 46 min 930 namizəd iştirak edib

İyulun 5-də start verilən ümumi təhsil müəssisələrinə müəllimlərin işə qəbulu üzrə müsabiqənin test imtahanı mərhələsi yekunlaşıb.

Bu barədə Təhsil Nazirliyindən məlumat verilib. Bildirilib ki, bu mərhələdə 19 fənn – Azərbaycan dili və ədəbiyyatı, Azərbaycan dili, ibtidai sinif, ingilis dili, alman dili, riyaziyyat, informatika, təsviri incəsənət, rus dili, rus dili və ədəbiyyatı, fransız dili, musiqi, tarix, kimya, fizika, texnologiya, biologiya, fiziki tərbiyə və coğrafiya üzrə test imtahanları keçirilib.

Ümumilikdə 21 iş gününü əhatə edən və ölkə üzrə 12 imtahan mərkəzində keçirilən imtahanlarda 46 min 930 namizəd iştirak edib.

Xəbər lenti

Çox oxunanlar