Bakı 27 ℃
Xəzər Xəbər
USD 1.7

Qeydiyyat müddəti uzadıldı - Magistraturaya qəbul olanların NƏZƏRİNƏ

Cəmiyyət | 16:07 • 21 İyul 2021
Qeydiyyat müddəti uzadıldı - Magistraturaya qəbul olanların NƏZƏRİNƏ

Ali təhsil müəssisələrinin və AMEA-nın magistraturalarına qəbul olmuş bakalavrların qeydiyyat müddəti uzadılıb.

XəzərXəbər xəbər verir ki, bu barədə Dövlət İmtahan Mərkəzi məlumat yayıb.
 
Bildirilib ki, qeydiyyat müddəti 26 iyul saat 23:59-dək uzadılıb.
 
Bakalavrlar https://portal.edu.az/ platformasında qeydiyyatdan keçməli, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçməlidirlər.
 
Qeydiyyatdan keçməyən bakalavrlar qəbul olunanların siyahısından xaric ediləcəklər.
 
Qeyd edək ki, ali təhsilin magistratura səviyyəsinə qəbul olmuş şəxslərin qeydiyyatı portal.edu.az platformasında Təhsil Nazirliyi tərəfindən aparılır. Ali təhsil müəssisələrinin və AMEA-nın magistratura səviyyəsinə qəbul olmuş şəxslər iyulun 13-dən etibarən elektron qaydada qeydiyyatdan keçirlər.
 
21 iyul səhər saatlarına olan məlumata əsasən 8941 (83%) bakalavr müraciətini sistemə daxil edib. Ali təhsil müəssisələri tərəfindən hələlik 6574 (61%) bakalavrın müraciəti qəbul olunub. Hazırda proses davam edir.

Xəbər lenti

Çox oxunanlar