Ümumtəhsil məktəblərində "Son zəng" təşkil olunacaq

"Bu il ümumtəhsil məktəblərində "Son zəng" təşkil olunacaq".

Xezerxeber.az-ın məlumatına görə, bunu təhsil naziri Emin Əmrullayev feysbuk üzərindən təşkil olunan canlı yayımda deyib. 

Nazir deyib ki, bununla bağlı Təhsil Nazirliyi Nazirlər Kabineti yanında Operativ Qərargaha müraciət etmişdi: “Nazirlər Kabineti tərəfindən "Son zəng" tədbirlərinin keçirilməsinə icazə verilib. Lakin tədbirlərin təşkili üçün müəyyən şərtlər olacaq. Bu şərtlər yaxın günlərdə açıqlanacaq. Baş nazirə təşəkkür edirəm, çalışacağıq ki, verilmiş şərtlərlə “Son zəng” tədbirlərini keçirək”.

Nazir açıqlayıb ki, bu il Azərbaycanda ümumi təhsil müəssisələrinin 11-ci sinfini 84 min 169 nəfər bitirəcək.

O bildirib ki, ümumi təhsil məktəblərində 9-cu sinfi bitirən şagirdlərin sayı isə 131 min 227 nəfərdir.