Bakı 25 ℃
Xəzər Xəbər
USD 1.7

Dövlət qulluğuna qəbul olmaq üçün keçirilən test imtahanı başa çatıb

Cəmiyyət | 137 | 15:18 • 11 Aprel 2021
Dövlət qulluğuna qəbul olmaq üçün keçirilən test imtahanı başa çatıb

Aprelin 11-də Dövlət İmtahan Mərkəzi (DİM) tərəfindən dövlət qulluğunda inzibati icraçı (B növü) vəzifələrə aid olan vəzifə qrupları üzrə test imtahanı keçirilib.

DİM-dən xezerxeber.az-a bildirilib ki, imtahan prosesinin idarə olunması üçün operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub.

COVID-19 infeksiya ilə əlaqədar ehtiyat tədbirləri çərçivəsində görülən işlərə uyğun olaraq imtahan binasına yalnız tibbi maska ilə daxil olmağa icazə verilib və namizədlərin məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub. İmtahan zalında namizədlərin bir-birindən lazımi uzaq məsafədə əyləşdirilməsi təmin olunub.

İmtahan Bakı və Gəncə şəhərlərində keçirilib. İmtahanının keçirilməsi üçün 6 ümumi imtahan rəhbəri, 17 imtahan rəhbəri, 130 nəzarətçi müəllim, 12 buraxılış rejimi əməkdaşı ayrılıb.

İmtahan materiallarının daşınması və emalı ilə əlaqədar nəticələrin aprelin 12-də elan olunması nəzərdə tutulur.

Çox oxunanlar

XƏBƏRDARLIQ: 3 gün qaldı
377 | 10:27 • 12 May 2021
Bir həftə iş olmayacaq
947 | 17:16 • 19 Aprel 2021