Papilloma virusu haqqında bilirdinizmi?

Avstraliyada Krallığın Darvin Xəstəxanasında Çənə Baş və Boyun Cərrahiyyəsinin rəhbəri Dr. Maniban Thomas, öpüşərək keçən papilloma (HPV) virusunun baş və boyun xərçənginin artımına 70 faiz səbəb olduğunu bildirərək, öpüşərkən diqqətli olmaq təklifini irəli sürüb.

HPV (Human Papiloma Virus) cinsi yoluxan viruslar sinfinə aiddir. Lakin bəzi mənbələr onun su hovuzunda çimərkən və məişət yoluyla da keçmək imkanı olduğunu söyləyirlər.

HPV virusu infeksiyası həm qadında, həm də kişidə daha çox tənasül alətində , anus ətrafında və nadir hallarda ağızda əmələ gələn virus mənşəli xəstəlikdir. Bu kondilomalar human papilloma virusu infeksiyası nəticəsində əmələ gələn gül kələmi görüntüsünə malik bəzən tək, bəzən çoxlu sayda, bəzən çox kiçik, bəzən 4 sm-ə çatan ölçülərdə ağrısız kütlələrdir. Lakin arada qaşınma və göynəmə hissi ola bilər.

Məlum olub ki, xərçəng xəstəliyinin bir sıra növlərinin səbəbi məhz elə papiloma virusudur. Xüsusilə, qadınlara məsləhət görülür ki, cinsi həyata qədəm qoyduqları ilk yaşlarından mütəmadi olaraq ginekoloq müayinəsindən keçsinlər. Mütəmadı müayinə sizi ağır nəticələrdən uzaq tuta bilər. Virusa yoluxmaq hələ xərçəng olmaq demək deyil, lakin riski artırır, çox artırır, ona görə müayinəni unutmaq olmaz.

Milli.Az