Xəzər Xəbər

Bakı metrosu ötən il sərnişinlərə 202 gün qapı aça bilməyib

Cəmiyyət | 11:38 • 27 Fevral 2021
Bakı metrosu ötən il sərnişinlərə 202 gün qapı aça bilməyib

Bakı metrosu sərnişinlərini hər an qarşılamağa hazırdır.

“Bakı Metropoliteni” Qapalı Səhmdar Cəmiyyətindən bildirilib ki, böyük hünərlərlə zəngin olan illərin sırasında bütün dünyanın həyat ahəngini pozan pandemiya metropolitenimizin normal fəaliyyəti qarşısında ciddi əngəllər yaradıb. Metro insanların sağlamlığının qorunması, COVID-19 bəlasından uzaqlaşdırmaq üçün ötən ildə sərnişinlərə 202 gün qapı aça bilməyib.

Bu ilin ikinci ayı da daşıma fəaliyyəti olmadan başa vurulmaq üzrədir. Pandemiyanın ilk günlərində metropoliten şəraitin tələblərinə uyğun bütün lazımi tədbirləri yerinə yetirsə də, son nəticədə müvafiq şəraitdə yeraltı nəqliyyatın sərnişin daşınmasındakı iştirakı məqbul hesab edilmədi. Amma bununla belə metro gələcəkdə daşımaların daha rahat, xidmət mədəniyyətinin daha yüksək, hərəkətin daha təhlükəsiz olması üçün fəaliyyətini davam etdirir və çoxdan darıxdığı sərnişinlərini hər an qarşılamağa hazırdır.

 

Xəbər lenti