İskəndəryan: Rusiya Qarabağ müharibəsinə qarışmayacaq

Aleksandr İskəndəryan: "Rusiya indiki Qarabağ müharibəsinə qarışmayacaq. Əks təqdirdə Moskva Azərbaycanı itirəcək ”

"Vladimir Putin Valday Klubunun üzvlərinə Qarabağ nizamlanması ilə bağlı yeni bir şey demədi. İclasda bu problemlə peşəkarlıqla məşğul olan mütəxəssislər, və alimlər iştirak etdilər. Putin Rusiyanın mövqeyini dilə gətirdi, bu yeni bir şey deyil”.

Bu sözləri Qafqaz İnstitutunun direktoru, tanınmış ekspert Aleksandr İskəndəryan Hraparak-a verdiyi müsahibəsində bildirib.

A.İskəndəryana görə, Rusiyanın Ermənistana və Azərbaycana münasibətdə siyasəti Moskvanın bu və ya digər ölkənin lehinə seçim etməməsidir. Politoloq Ermənistan cəmiyyətini bu həqiqəti dərk etməyə çağırıb. Azərbaycan Ermənistanda olduğu kimi Rusiyada da maraqlıdır. Müxtəlif yollarla, fərqli tərəzilərdə, lakin bu ölkələrin hər ikisi onun üçün maraqlıdır. Ölkələrdən birinin lehinə seçim Rusiya üçün başqa bir dövlətin itirilməsi deməkdir. Rusiya son seçimi etsə, hər iki ölkəni də itirəcək. Əgər Rusiya açıq şəkildə erməni tərəfinin lehinə seçim edib Ermənistanın tərəfini tutarsa, o zaman Azərbaycan tamamilə Türkiyənin təsirinə düşəcək. Və Rusiya Azərbaycanı əbədi itirəcək.

Mütəxəssisin fikrincə, Türkiyə də Ermənistanı itirmək istəmir․ Strateji olaraq, Türkiyə Ermənistandakı maraqları üçün Rusiya ilə rəqabət aparacaq.

Danışıqlar prosesinin intensivləşmə perspektivini səciyyələndirən A. İskəndəryan təəssüflə qeyd edir ki, tərəflər humanitar barışığa belə nail ola bilməyiblər. Minsk Qrupu çərçivəsində aparılmış substantiv danışıqlara gəlincə, A.İskəndəryan hesab edir ki, 2011-ci ildə Kazandan sonra Azərbaycanla Ermənistan arasında danışıqlar həqiqətən dayandırılıb.

Hər halda mütəxəssis danışıqlar prosesində vəziyyətin pisləşəcəyini proqnozlaşdırır: "Danışıqlarda fürsət yaranarsa, çox şey sıfırdan başlamalı olacaq”.

Erməni cəmiyyətində Rusiyanın Qarabağ nizamlanmasında rolu ilə bağlı gözləntiləri şərh edən A. İskəndəryan bu gözləntiləri həddən artıq yüksək qiymətləndirir. Rusiya Krımdan Şimali Qafqaza, Liviyadan Zaqafqaziyaya qədər bir çox geopolitik problemi həll edən qlobal bir gücdür. Onun sözlərinə görə, Rusiya Qarabağ münaqişəsinə erməni cəmiyyətinə göründüyündən daha geniş prizmadan yanaşır.

A.İskəndəryan Qarabağ separatçılarının liderinin Vladimir Putinə müraciəti əsasında Rusiyanın münaqişəyə qarışması ehtimalına da münasibət bildirdi: "Rusiya, digər ölkələr kimi, öz maraqlarına aid olduğunu düşündüyü zaman ciddi addımlar atır. Rusiya yalnız ona görə reaksiya vermir ki, kimsə ona məktubla müraciət edib. Təsəvvür edin ki, sabah Nikol Paşinyan dünyadakı tanınmamış bir dövlətin başçısından bir məktub alır. Paşinyan buna necə reaksiya verər? Əlbəttə ki, Ermənistanın maraqlarını əsas götürərək qərar verəcək. Abxaziyada və ya Kosovoda Ermənistanın maraqları varmı?”

A.İskəndəryan Rusiyanın hazırkı Qarabağ müharibəsinə müdaxilə etməsini istisna edib./konkret.az