Azərbaycanda yeni model premium sinif üzrə avtomobil markalarının satış həcmi məlum olub. Fins.az-ın bazar araşdırmasına görə, ümumilikdə 2016-cı ildə5 746 yeni avtomobil satılıb ki, bunun15,2%-i 5 premium avtomobil markasının-"Lexus” "Mercedes”, "BMW”, "Porsche”və "Audi”lərinpayına düşüb.İqtisadi durğunluq bu avtomobillərin də satışlarına ciddi təsir edib. Son 3 ilin statistikasına əsasən premium avtomobil bazarı 3 dəfə kiçilib. Belə ki, 2014-cü ildə bu markalara aid 2661 ədəd, 2015-ci ildə 2157, ötən il isə cəmi 878 avtomobil satılıb.
Ümumilikdə bütün markalar iqtisadi durğunluqdan əziyyət çəksələr də, bəzi brendlər satışlarının kəskin azalmasının qarşısını ala biliblər. Məsələn, 2016-cı ildə premium avtomobillər arasında satış həcminə görə isə lider "Lexus” olubMarka 2015-ci ildə satışların həcminə görə "Mercedes”, "BMW” və "Audi”dən geridə olsa da, bazar durğunluğu şəraitində satışlarını böyük həcmdə qoruya bilib. Yapon markasının 2016-cı ildə 290 avtomobil satıb. Bu göstərici 2015-ci illə müqayisədə cəmi 14% azdır. Ümumi bazar üzrə isə yeni avtomobillərin satışına görə, "Lexus”lar 8-ci olub.
"Mercedes” kəskin azalmaya baxmayaraq ötən il rəqibləri arasında 2-ci olmağı bacarıb. Alman avtomobil nəhəngi ötən il Azərbaycanda 274 yeni "Mercedes” satıb. Bu da 2015-ci illə müqayisədə 2,4 dəfə azalma deməkdir. "Mercedes” ötən il yeni avtomobillərin satışına görə, bazar üzrə 10-cu pillədə qərarlaşıb.
Yeni modellərdə satışların həcmi azalsa da, "Audi” rəqibləri arasında öz yerini qoruya bilib. Markanın Azərbaycanda satışları ötən il 2,5 dəfə azalaraq 155 avtomobilə düşüb. Yeni avtomobil bazarı üzrə isə brend satışların həcminə görə 14-cü olub.
Premium markalar | 2014 | 2015 | 2016 |
LEXUS | 796 | 338 | 290 |
MERCEDES | 1096 | 682 | 274 |
AUDI | 398 | 393 | 155 |
BMW | 138 | 575 | 90 |
PORSCHE | 233 | 169 | 69 |
Total Market | 2661 | 2157 | 878 |
2016-cı ildə satışlarının həcminə görə ən böyük azalma "BMW”lərdə müşahidə edilib. 2015-c ildə brend575 yeni avtomobil satıbsa, ötən il bu rəqəm cəmi90 olub(6,3 dəfə azalma). Nəticədə "BMW” bu göstərici ilə iki pillə geriləyərək 4-cü olub.
Premium avtomobillər arasında "Porsche” sonuncu olub. Marka üzrə satışların həcmi 2016-cı ildə 2,4 dəfə azalaraq 69 avtomobil təşkil edib.