Rusiyanın Perm şəhərində istilik elektrik stansiyasında (İES) güclü yanğın baş verib.
Rusiya mediası xəbər yayıb ki, stansiyada sexlərdən birinin dam örtüyü yanır.
Yanğın nəticəsində 3 nəfər xəsarət alıb. Onlardan birinin vəziyyəti ağırdır.
Ümumilikdə stansiyadan 500-dən çox insan təxliyə edilib.
Yanğının səbəbi hələ ki məlum deyil.
Xatırladaq ki, bu gün Rusiyanın Bryansk vilayətində içərisində neft məhsulları olan çənlərdə də yanğın qeydə alınıb.