Xəzər Xəbər

Bələdiyyə sədrinə cinayət işi açıldı

Prokurorluq məlumat yaydı
Gündəm | 14:43 • 31 Yanvar 2023
Bələdiyyə sədrinə cinayət işi açıldı

Azərbaycanda sabiq bələdiyyə sədri barəsində cinayət işi başlanılıb. 

Bu barədə Xezerxeber.az-a Ağstafa Rayon Prokurorluğundan məlumat verilib.

Bildirilib ki, rayonun Dağkəsəmən kənd bələdiyyəsində baş verən qanunsuzluqlarla bağlı rayon prokurorluğunda araşdırma aparılıb. 

Ariz Bayramovun Dağkəsəmən kənd bələdiyyəsinin sədri işlədiyi müddətdə bələdiyyə əmlakını mənimsəməsinə əsaslı şübhələr müəyyən edilib. 

Faktla bağlı rayon prokurorluğunda Cinayət Məcəlləsinin 179.2.2 (təkrar mənimsəmə), 179.2.3 (qulluq mövqeyindən istifadə etməklə mənimsəmə) və 313-cü (vəzifə saxtakarlığı) maddələrilə cinayət işi başlanılıb. 

İbtidai istintaq davam etdirilir.

Xəbər lenti