Xəzər Xəbər

İndoneziyada vulkan püskürüb

Dünya | 17:52 • 4 Dekabr 2022
İndoneziyada vulkan püskürüb

Dekabrın 4-də İndoneziyanın Yava adasında yerləşən Semeru vulkanı püskürüb.

İndoneziya Təbii Fəlakətlərə Qarşı Mübarizə İdarəsinin məlumatında vulkanın püskürdüyü kül kütləsinin 1,5 kilometr hündürlüyədək qalxdığı qeyd olunur.

Vulkana 5 kilometrdən artıq yaxınlaşmaq qadağan edilib. Püskürmə nəticəsində dəyən zərər barədə hələlik məlumat verilmir. Lakin vulkanın yaratdığı təhlükə dərəcəsi 3-dən 4-ə qaldırılıb. Vulkanın 19 kilometr radiusunda yerləşən əhaliyə açıq havada fəaliyyət göstərmək qadağan edilib. Həmçinin vulkanın yerləşdiyi Şərqi yava əyalətindən 95 nəfərin təxliyə olunduğu qeyd edilir.

Yaponiya Meteorologiya Agentliyi öz süni peykləri vasitəsilə sunami təhlükəsini araşdırdığı barədə məlumatlar yayıb.

Xatırladaq ki, Semeru vulkanı sonuncu dəfə dörd il bundan əvvəl, dekabrın 4-də püskürüb. Həmin vaxt təbii fəlakət nəticəsində 50 nəfər həyatını itirib.

Xəbər lenti

Çox oxunanlar