Azərbaycanda sevgililər DƏHŞƏTLƏ ÜZLƏŞDİ – Oğlan öldü, 16 yaşlı qız isə...

Gəncə şəhərində ölümlə nəticələnən bədbəxt hadisə baş verib.

Publika.az-ın əldə etdiyi məlumata görə, şəhərin Şah İsmayıl Xətai prospektində yerləşən 115 saylı binadakı mənzillərin birinin hamam otağında ev sahibinin oğlu, 19 yaşlı Teymur Babayevlə (adlar şərtidir) onun tanışı, 16 yaşlı Pərvanə Əbilzadə dəm qazından zəhərlənib. Gənc oğlan hadisə yerindəcə keçinib. Yeniyetmə qız isə ağır vəziyyətdə xəstəxanaya çatdırılıb.

Bildirilir ki, hadisə vaxtı evdə başqa şəxs olmayıb. Aralarında sevgi münasibəti olan gənc oğlanla yeniyetmə qız evdə görüşüblər və hamam otağında olarkən bədbəxt hadisə ilə üzləşiblər.