AQTA iki tələbənin zəhərlənməsi ilə bağlı araşdırmaya başlayıb

Nizami rayonu NZS qəsəbəsində iki nəfərin qidadan zəhərlənməsi ehtimalı barədə məlumat Azərbaycan Respublikasının Qida Təhlukəsizliyi Agentliyinə (AQTA) daxil olduqdan dərhal sonra Agentlik əməkdaşları tərəfindən araşdırmalara başlanılıb.

AQTA-dan bildirilib ki, ilkin məlumatda tələbələrin ev şəraitində hazırlanməş turşulardan istifadə etdiyi bildirilir. Hazırda müvafiq qurumlarla birgə hadisənin baş vermə səbəbləri, qida zəhərlənməsi olub olmaması istiqamətində araşdırma aparılır.

Araşdırmaların yekun nəticəsi ilə bağlı ətraflı məlumat veriləcək.