Xəzər Xəbər

Holand 4 futbolçunun rekorduna şərik oldu

İdman | 15:04 • 19 Fevral 2020
Holand 4 futbolçunun rekorduna şərik oldu

Çempionlar Liqasının 1/8 final mərhələsinin ilk oyunları çərçivəsində evdə PSJ-ni 2:1 hesabı ilə məğlub edən "Borussiya"nın hücumçusu Erlinq Holand rekorda nail olub.

Dublla komandasına qələbə qazandıran norveçli hücumçu ÇL-də debüt mövsümündə 10-cu qolunu vurub. Daha öncə Jüst Fonten ("Reyms", 1958/59), Klaudio Sulseru ("Qrasshoppers, 1978/79), Roberto Firmino ("Liverpul", 2017/18) və Sadio Mane ("Liverpul", 2017/18) bir mövsümdə 10 qol vurmuşdular.

Holand 4 futbolçudan fərqli olaraq, 2 klubda buna müvəffəq olub. O, mövsümün ilk yarısı "Zalsburq"un heyətində ÇL-də 6 oyunda 8 qol vurmuşdu.

Xəbər lenti