Əmrə Can "Borussiya"da

"Yuventus" yarımmüdafiəçisi Əmrə Canı Dortmund "Borussiya"sına icarəyə verib.

Dortmund təmsilçisi Almaniya millisinin üzvünü 1 milyon avro qarşılığında mövsümün sonuna qədər icarəyə götürüb. "Borussiya" daha 25 milyon avro ödəyib, 26 yaşlı oyunçunun transfer hüququna sahib olmalıdır. Müqavilənin detallarına bu şərt əlavə edilib.

Türkiyə əsilli oyunçu Münhen "Bayern"ində yetişib və 2013-cü ildə "Bayer"ə 5 milyon avroya transfer olub. "Liverpul" 1 il sonra onu 12 milyon avroya heyətinə qatıb. Əmrə 2018-ci ilin yayında azad agent statusu ilə "Yuventus"a keçib. O, bu mövsüm 8 oyun keçirib.