Mourinyu futbolçularla görüşdü: “Sizin atanız, dostunuz, sevgiliniz olacam”

Londonun "Tottenhem” klubunun baş məşqçisi Joze Mourinyu komanda futbolçuları ilə ilk dəfə görüşüb.

"Sport Witness” xəbər verir ki, komanda futbolçuları baş məşqçidən heç vaxt paytaxt klubu çalışdırmayacağı ilə bağlı daha əvvəl verdiyi açıqlamasını şərh etməsini istəyiblər.

Mourinyu bunu yalnız cəmiyyət arasında imic yaratmaq üçün söylədiyini qeyd edib. Bununla yanaşı, mütəxəssis zarafatla deyib:

"Mən sizin atanız, dostunuz, sevgiliniz, kim istəsəniz olacam”.

Baş məşqçi "Tottenhem”in liderləri ilə də fərdi görüşlər keçirib və onları komandada qalmağa inandırmağa çalışıb.