İtaliyanın "İnter” klubunun baş məşqçisi Antonio Konte xoşagəlməz hadisə ilə üzləşib.
Apasport.az-ın məlumatına görə, tanınmış mütəxəssisə anonim məktub gəlib.
Məktubun içərisinə güllə də qoyulub. Məsələ ilə bağlı polis araşdırması başlayıb.
Hüquq-mühafizə orqanları A.Kontenin müdafiə edəcəyini bildirib. Onun evi və komandanın məşq bazasına mühafizəçilər yerləşdiriləcək.
Qeyd edək ki, A.Konte bu ilin yayından Milan təmsilçisini çalışdırır.