Asmir Beqoviç rəsmən "Qarabağ"da

"Qarabağ” transfer pəncərəsinin son günündə növbəti keçidini reallaşdırıb.

XəzərXəbər klub saytına istinadən xəbər verir ki, Ağdam təmsilçisi İngiltərə Premyer Liqa təmsilçisi "Bornmut”dan bosniya və herseqovinalı qapıçı Asmir Beqoviçi cari ilin sonuna qədər icarəyə götürüb.

32 yaşlı qapıçı peşəkar karyerasına İngiltərənin "Portsmut” klubunda başlayıb.2017-ci ildən "Bornmut”da oynayan qapıçı "İpsviç”, "Stok Siti”, "Çelsi” kimi klublarda çıxış edib. Beqoviç 2009-cu ildən dəvət aldığı Bosniya və Hersqovina millisində 61 oyun keçirib.