"Tottenhem"in danimarkalı ulduzu Kristian Eriksen klubdan ayrıla bilər.
"Ekstra Bladet"ə danışan 27 yaşlı futbolçu karyerasında yeniliklər yaşamaq istədiyini deyib:
"Tottenhem"in planlarına dərin hörmətlə yanaşıram. Ancaq karyeramda yeni bir şeylər sınamaq istəyirəm".
Eriksenin adı Madrid "Real"ı ilə hallanır. "Tottenhem"də 6 mövsüm keçirən futbolçu 2013-cü ildə "Ayaks"dan 13,5 milyon avroya transfer edilmişdi.
"Tottenhem" satışından yaxşı gələr qazanmaq üçün Danimarka millisinin üzvünü satmağa müsbət yanaşır.
Eriksen ötən mövsüm 51 oyuna 10 qol vurub, 15 assist edib.