Rusiyanın dünyada analoqu olmayan silahı gözəgörünməz oldu

Hər növ hava, dəniz və quru hədəflərini yox etmək üçün dizayn edilən beşinci nəsil Su-57 döyüş təyyarəsində yenilik edilib.

Obninsk Araşdırma və İstehsal Şirkətinin Baş katibi Andrey Silkin təyyarələrin radarlara görünməməsini təmin edən şüşə örtüklə təchiz olunduğunu bildirib.

"Heyətin elektromaqnit, ultrabənövşəyi və infraqırmızı radiasiya ilə yanaşı, nüvə partlayışından qaynaqlanan işıq şüalarından qorunmasını bu örtük təmin edəcək. Təyyarənin kokpiti radarlara görünməyəcək. Təyyarənin ağırlığı ikiqat azalsa da, şüşənin zərbəyə davamlılığı artıb”.

Qeyd edək ki, Su-57 təyyarələrinin Rusiya Hərbi Hava Qüvvələrinin arsenalına daxil edilməsi üçün "Armiya-2019” forumunda müqavilə imzalanmışdı.

Hazırda təyyarələrin sınaqları davam edir./Publika.az