Xəzər Xəbər

Türkiyədəki zəlzələ zonasından təxliyə edilən azərbaycanlı tələbələr Bakıya çatdı VİDEO

Veb TV | 20:23 • 26 Yanvar 2020
Türkiyədəki zəlzələ zonasından təxliyə edilən azərbaycanlı tələbələr Bakıya çatdı

Prezident İlham Əliyevin tapşırığı ilə Türkiyənin zəlzələ bölgəsində çətin vəziyyətdə qalan azərbaycanlı tələbələr vətənə gətirilib. 102 tələbə Türkiyədən Naxçıvana, ordan isə təyyarə ilə Bakıya yola düşüblər. Tələbələrin vətənə rahat dönməsi üçün onları xüsusi nümayəndə heyəti müşayət edib.

Kimi həsrətlə övladını, kimi isə qardaş və bacısını gözləyir. Türkiyənin zəlzələ bölgəsindən gələn tələbələr hava limanında belə qarşılandı.

Prezident İlham Əliyevin tapşırığı ilə Elazığ bölgəsində baş verən zəlzələ ilə əlaqədar çətin şəraitdə qalan azərbaycanlı tələbələr ölkəmizə gətirilib.

Övladlarına görə nigaran qalan valideynlərinin sevincinin həddi hüdudu isə yox idi.

Ölkə başçısının tapşırığı ilə zəlzələ bölgəsində təhsil alan tələbələr xüsusi nümayəndə heyətinin nəzarəti ilə Naxçıvana, ordan isə Bakıya gətirilib.

Tələbələrlə Təhsil Nazirliyinin psixoloq qrupu tərəfindən xüsusi söhbətlər aparılıb. Onlar nazirlik tərəfindən təşkil edilən avtobuslarla evlərinə çatdırılıb.

Xəbər lenti