Xəzər Xəbər

Şirkət işçisi qətl törətdi - KÜTLƏVİ DAVA - VİDEO

Veb TV | 19:45 • 21 İyul 2018
Şirkət işçisi qətl törətdi -

Abşeronda gənclər arasında düşən kütləvi dava ölümlə nəticələnib.

Xezerxeber.az-ın məlumatına görə, hadisə Abşeronun Hökməli kəndi ərazisindəki "At yalı" yaşayış massivində baş verib. Firma işçiləri iyulun 18-də gün boyu ərazidə su filtri satıblar. Axşam evə qayıtmağa hazırlaşdıqları vaxt isə ərazidə yaşayan bir neçə gənc onlara yaxınlaşaraq söz atıb. Həmin gənclərin firma işçiləri olan xanımlara söz atması isə kütləvi davaya səbəb olub. Hadisə yaxınlıqdakı obyektlərdən birinin müşahidə kamerası tərəfindən anbaan qeydə alınıb.

Hadisə zamanı firma işçisi, Bakı şəhər sakini 27 yaşlı Fəxri Şahbazlı avtomobillərində olan deşici alətlə 24 yaşlı Fərid Qurbanovu vurub. Fərid Qurbanov çoxlu qan itirdiyi üçün dünyasını dəyişib. Qətli törədən şəxs isə saxlanılıb.

Keçirilən əməliyyat axtarış tədbirləri nəticəsində hadisə iştirakçıları olan digər şəxslər - Misir Abdullayev, Araz Heydərov, Zamiq Quliyev və Ərşad İsayev də saxlanılaraq istintaqa təhvil veriliblər.

Faktla bağlı cinayət işi başlanılıb, istintaq aparılır.

Xezerxeber.az mövzu ilə bağlı daha ətraflı videomaterialı təqdim edir:


Xəbər lenti