İyunun 24-də Azərbaycan
Qran-Prisinin ikinci gününün həyəcanlı və maraqlı anlarından sonra
azarkeşlər axşam saatlarında yenidən Formula-1 Şəhərciyinə toplaşıblar.
Formula-1 Azərbaycan
Qran-Prisinin sıralanma turundan sonra məşhur müğənni Nikol Şerzinger
Bakıda səhnəyə çıxıb. Öz gözəl səsi və ifaları ilə Formula-1 Şəhərciyinə
toplaşanlara maraqlı anlar yaşadan müğənni öz hit mahnılarını
səsləndirərək Bakı tamaşaçısına unudulmaz anlar yaşadıb.
N.Şerzinger "Pussycat Dolls” qrupunun solisti olan zaman bu kollektivin
"Grammy" musiqi mükafatına namizədliyi irəli sürülmüşdü. Bu dövr ərzində
Nikol 16 milyonu solo olmaqla, ümumilikdə 37 milyon sinql satışı ilə
dünyada rekorduna sahib olub.
Nikol Şerzingerdən sonra səhnəyə mahnıları ən çox satılan, məşhur və ən yenilikçi qruplardan olan "The Black Eyed Peas" çıxıb.
Həyəcanverici və dinamik konsert proqramı ilə musiqili gecəyə yekun vurulub.
AzVision.az AzərTAc-a istinadən konsertdən fotoları təqdim edir: