Sanitar böhranı uzun çəkəcək. Qarşıdan gələn bir neçə gün xüsusilə çətin olacaq. Tibb işçiləri yorulmadan pandemiyaya qarşı mübarizə aparırlar. Onlar bütün ehtiram və hörmətimizə layiqdirlər. Fərdi, eləcə də kollektiv faciələrimiz olacaq, matəmdə olan ailələrin sayı artacaq. İndiyədək görünməmiş və son dərəcə kritik vəziyyətlə üzləşəcəyik.
Bu fikirləri Fransanın Səhiyyə üzrə baş direktoru Jerom Salomon söyləyib. O, ölkədə vəziyyətin sürətlə pisləşdiyini bildirib.
Jerom Salomon qeyd edib ki, martın 25-dək ölkədə COVID-19-dan 1331 ölüm halı olub, bunlardan 231-i son 24 saat ərzində qeydə alınıb. Ölkədə koronavirus daşıyıcılarının sayı 25 min 233-ə çatıb, 11 min 539 nəfər xəstəxanalara yerləşdirilib. Bir gün ərzində həkimlərdən 2933-nün testi müsbət çıxıb. Son bir gün ərzində 311 olmaqla, ümumilikdə, 2827 xəstə reanimasiya şöbələrinə yerləşdirilib.
Fransada tibbi heyət xəstəxanalarda yerlərin olmaması, xüsusilə də tibbi ləvazimatın və maskaların çatışmazlığı ilə bağlı daim həyəcan təbili çalıb. Epidemiyanın ilk günlərindən tibbi maska ilə bağlı problemlər yaşanır. Müvafiq dövlət orqanlarının rəhbərləri mətbuata maska probleminin həll olunmasından, maska sifariş edilməsindən danışsalar da, xəstəxanalardakı tibbi heyətin kifayət qədər maskası olmadığı bildirilir. Hətta Daxili İşlər Nazirliyi polislərdə olan maskaları tibb işçilərinə verməyə çağırıb.
Səhiyyə naziri insanlara müraciət edərək, küçələrdə maska taxmağın heç nəyə yaramadığını bildirib, həmin maskaları tibb işçilərinə verməyə səsləyib.
"Heç vaxt cərrahiyyə otağından reanimasiya kimi istifadə olunacağını düşünmürdüm”,- deyən tibb işçiləri sosial şəbəkələrdə çalışdıqları məkanlardan şəkillər paylaşır və ağlagəlməz hallarla üzləşdiklərini bildirirlər.
Qeyd edək ki, Fransada bəzi xəstələr qonşu ölkələrə - Almaniya, Lüksemburq və İsveçrəyə aparılıb. (AZƏRTAC)
© xezerxeber.azİki ölkə arasında gərginliyə səbəb olacaq qərar - 16 vyetnamlı...
Əksər küçə və prospektlərdə yağış barmaqlıqları yoxdur - VİDEO
Sərxoş sürücülərə qarşı cəzalar daha da sərtləşdirilir - VİDEO
İki ölkə arasında gərginliyə səbəb olacaq qərar - 16 vyetnamlı...
Çavuşoğlu: Azərbaycanlı mühəndisin nəşini ölkəsinə göndərəcəyik
DİN Şəmkir polisi haqqında yayılan iddialara aydınlıq gətirdi
Ceyhun Bayramov hücum edilən Türkiyə gəmisinin kapitanı ilə danışıb
Məşhur ekstrasens Baş nazirə məktub yazdı: 11 ölkə darmadağın olacaq
13 min kilometr yol qət edən göyərçin tələf ediləcək - VİDEO
“Azəriqaz” smart sayğacların ləğvi məsələsinə aydınlıq gətirdi
Peyvənd olunmaq istəməyənlərə bu qadağalar qoyula bilər - FOTO
Fevralın 27-dən məktəblər və universitetlər açılır? - RƏSMİ CAVAB