Ağdamda qəzalı vəziyyətə düşən tarixi məscid bərpa edilir.
Xezerxeber.az-ın məlumatına görə, məscid 1907-cı ildə Xındırıstan kənd sakini Hacı Cabbar bəy tərəfindən yaşayış evi kimi tikilib. Bir əsrdən artıq yaşı olan tikili əvvəlcə ev kimi nəzərdə tutulsa da, ötən əsrin 30-cu illərində taxıl anbarı, 80-ci illərində Tarix-Diyarşünaslıq Muzeyi, 90-cı illərdən sonra isə məscid kimi fəaliyyət göstərib.
Binada bərpa işləri ilə paralel, dayanıqlığını artırmaq üçün beton-bərkitmə işləri də aparılır.
Məscidin xarici görünüşü də dəyişdirilir və işğal altındakı Ağdam şəhərində olan məscidin layihəsi əsasında bərpa edilir. Layihəyə uyğun olaraq məsciddə qoşa minarə də inşa edilir.
Təmir-bərpa işlərinin qısa müddətdə yekunlaşdırılması nəzərdə tutulub.
Xezerxeber.az mövzu ilə bağlı daha ətraflı videomaterialı təqdim edir: