Xəzər Xəbər

Həftəsonu “cib yandıran” taksi qiymətləri - Süni artım yoxsa... VİDEO

Veb TV | 20:15 • 21 Noyabr 2020
Həftəsonu “cib yandıran” taksi qiymətləri - Süni artım yoxsa...

Koronavirus infeksiyasının qarşısını almaq məqsədilə həftəsonları ictimai nəqliyyatın da fəaliyyəti dayandırılıb. Amma taksilərin işləməsinə heç bir qadağa yoxdur. Təbii ki, fərqlənmə nişanı olanlardan başqa. Amma taksi sürücüləri də bu iki günü fürsət bilərək gedişhaqqını qaldırıblar. Buna səbəb nədir?


Taksi sürücüləri süni şəkildə qiymətləri artırıblar.


Bunu şəhərdə apardığımız sorğu deməyə əsas verir. Paytaxt sakinləri deyirlər ki, taksi fəaliyyəti ilə fərdi şəkildə məşğul olan sürücülər və şirkətlər şənbə-bazar günlərini fürsət bilərək gedişhaqqını qaldırıblar. Qiymətlərdə təxminən 50-100 faiz artım müşahidə edildiyi bildirilir.


Sərnişinlərin fikirlərindən belə aydın olur ki, taksi sürücüləri gedişhaqqını ikiqat artırıblar. Amma sürücülər artımın bu günlərdə yox, həftəiçi günün pik saatlarında olduğunu deyirlər.


Qiymət artımının səbəbini taksi şirkətlərindən də soruşduq. Bildirdilər ki, qiymət artımı ilə bağlı sualımıza həftənin bazarertəsi cavab verə bilərlər.


Xəbər lenti