Xəzər Xəbər

"Moskviç"lərə yenidən maraq yaranıb - VİDEO

Veb TV | 19:15 • 8 Dekabr 2019
"Moskviç"lərə yenidən maraq yaranıb -

Bir zamanlar Bakı küçələrində ən çox istifadə edilən avtomobillərə yenidən böyük maraq yaranıb.

Xezerxeber.az-ın məlumatına görə, 50- 60 il əvvəl SSRİ-də istehsal edilən "Moskviç"lər yenilənərək zavod istehsalına qaytarılır.

Bakıda, o cümlədən bölgələrdə "Moskviç"lərin sayı çox olsa da, zavod detalları ilə təmir edilib saz vəziyyətə gətirilən demək olar ki, çox azdır.

60 -yaxın yaşı olan bu avtomobilləri əvvəlki vəziyyətinə gətirmək heç də asan deyil. Avtomobil sahibləri bildirir ki, kənardan adi görünən belə bir modeli yenidən zavod halına qaytarmağa illərlə vaxt lazım olur. Ehtiyat hissələri baha olsa da, bu, həvəskarları ruhdan salmır. Avtomobili normal vəziyyətə gətirmək üçün bəzən yeni bir maşının qiyməti qədər pul xərclənir.

Qeyd edək ki, 1929 cu ildən etibarən istehsal edilən bu avtomobillərin adı Moskvalı mənasını ifadə edir. Soyuq müharibə dövründə SSR-nin ən çox istehsal etdiyi markalardan olub. Lakin şirkət 2002-ci ildə iflas edib. Bakıda bu avtomobillərə sahib olanlar isə bir-birilərini taparaq hətta retro maşınlar klubu da yaradıblar. İndi bu maşınları küçədə görənlər maraqla qarşılayır, hətta yaxınlaşıb şəkil də çəkdirirlər.

Xezerxeber.az mövzu ilə bağlı daha ətraflı videomaterialı təqdim edir:


Xəbər lenti