Vətən müharibəsi şəhidləri yad edilib - VİDEO

04.12.2020 19:17

44 günlük Vətən müharibəsinin şəhidləri Sumqayıtda anılıb. Şəhərin müxtəlif yerlərində onların ruhu bir dəqiqəlik sükutla yad edilib.

Xezerxeber.az-ın məlumatına görə, Sumqayıt Cümə məscidində qəhrəman oğullarımızın ruhuna xütbələr oxunub, dualar edilib, xatirələrinə ehtiram bildirilib.

Şəhərdə anımla əlaqədar müxtəlif aksiyalar təşkil olunub.

Gəncədə də şəhidlər bir dəqiqəlik sükutla yad edilib. Daha sonra məscidlər və müxtəlif dini məbədlərdə xatirələri anılıb.

Aleksandr Nevski Rus Pravoslav Kilsəsində ruhlarına dualar oxunub.

Şamaxı camaatı da Azərbaycanın ərazi bütövlüyü uğrunda canlarını verən Vətən övladlarını yad edib.

Şamaxı Cümə Məscidində rayon dindarları cümə namazı qıldıqdan sonra şəhidlərə Allahdan rəhmət diləyiblər.

Azərbaycanın hər yerində olduğu kimi Şəkidə də vətən torpaqlarının azad olunması üçün qəhrəmanlıq səlnaməsi yazan igid şəhidlərimizin xatirəsi yad edilib.

Sərt karantin qaydalarının tətbiq edildiyi şəhərin sakinləri bu tədbirin keçirilməsinə olan xüsusi tələbləri anlayışla qarşılayıblar. Müqəddəs cümə günü azanından sonra din xadimləri namaz qılıb, şəhidlərimizin ruhuna dualar oxunub.

Salyanın Hacı Tağı məscidi də şəhidlərimizə dualar edilən məkan olub.

Rayon sakinləri səhidlərimizin ruhuna ehtiramlarını bir dəqiqəlik sükutla ifadə ediblər.

Füzulilər bu gün çox duyğulu idilər. İşğaldan tam azad olunan doğma yurdlarına görə, cənnət Qarabağ üçün vətənin bir qarışını belə düşmən tapdağı altında qoymamaq üçün canlarını fəda edən igidlərimizə görə...

İnsanlar Horadiz şəhər məscidində cümə namazı qılıb, şəhidlərin ruhuna dualar ediblər.

"Şəhidlər ölməz, Vətən bölünməz!"- deyimini öz həyatları bahasına bir daha isbatlayan, şəhadətləri ılə Azərbaycanın şərəf salnaməsini yazan zəmanəmizin qəhrəmanlarının əziz xatirəsi yalnız bu özəl gündə deyil, hər zaman uca tutulacaq, seviləcək, unudulmayacaq.

Xezerxeber.az mövzu ilə bağlı daha ətraflı videomaterialı təqdim edir:


Atif

© xezerxeber.az

FOTOQALERIYA






358 dəfə oxunub

XƏBƏRLƏR

19.01.2021 19:42

Bakıya qar yağır

ÇOX OXUNANLAR