Bu ərazidə avtobus dayanacağı yoxdur - VİDEO

23.01.2020 19:34

Bakıda yaşayış massivlərindən birinin sakinləri dayanacaq sarıdan əziyyət çəkirlər. Üstəlik həmin massivdə yaşayanların çoxusu Qarabağ müharibəsi əlilləri, iştirakçıları və şəhid ailələridir. Sakinlər yaşayış massivinin yaxınlığına dayanacaq qoyulmasını istəyirlər. Aidiyyatı qurum da məsələ ilə bağlı açıqlama verib

Yolun kənarıda 8 yaşayış binası olsa da, avtobus dayanacağı yoxdur.

Bura Lökbatan dairəsi yaxınlığında yerləşən yaşayış massividir. Sakinlər deyirlər ki, avtobusa minib düşmək üçün təxminən 500 metrə yaxın piyada getməli olurlar. Üstəlik bildirirlər ki, həmin binalarda qalanların əksəriyyəti müharibə iştirakçıları və şəhid ailələridir. Bu massivdə müharibə əlillərinin çox olması problemi daha da aktuallaşdırır

Bakı Nəqliyyat Agentliyindən bildirildi ki, bu kimi problemlər olan zaman sakinlər mütləq agentliyə məlumat versinlər. Qurum sözügedən əraziyə baxış keçirəcək. Əgər həmin ərazidə dayanacağın ehtiyac olduğu təsdiqini taparsa, problem aradan qaldırılacaq.

© xezerxeber.az


250 dəfə oxunub

XƏBƏRLƏR

ÇOX OXUNANLAR