"Ögey Ana" filmi məhz onun həyatından bəhs edir - VİDEO

Çoxları bilmir ki, məşhur "Ögey Ana" filmi məhz onun həyatından bəhs edir. Filmin qəhrəmanı Dilarənin obrazını canlandıran Nəcibə Xanım Məlikovanın oğulluğu Fuad Əsədovun həyatı filmdəki İsmayılın prototipidir. O, analığı ilə bağlı xatirələrini Xəzər Xəbərlə bölüşüb.

AFFA nın keçmiş baş katibi, Fuad Əsədov o deyir ki, Nəcibə xanım öz həyatındakı rolunu səhnəyə çıxarıb. Kiçik düzəlişlərlə.

Nəcibə xanım Fuad Əsədovun atası Nəsrəddin Həsənovla ailə qurub. Bu evlilikdən oğlu Sabiq dünyaya gəlib. Daha sonra boşanıblar və əri başqa bir xanımla ailə qurub. Buna baxmayaraq Nəcibə xanım keçmiş həyat yoldaşının bütün evliliklərindən olan övladlarına da analıq edib.

Fuad müəllim də ana qayğısını Nəcibə xanımdan görüb, o da böyüyəndən sonra.

Bu evdə Nəcibə xanım sevgiylə xatırlanır. Fuad müəllim deyir ki, Nəcibə Məlikovadan onlara mehribançılıq yadigar qalıb.

Fuad müəllim öz doğma anasını bacı çağırırmış. Anası olduğunu bilsə də onu xalalrından biri hesab edirmiş.