''Əsrin müqaviləsi''nin imzalanmasından 25 il keçdi - VİDEO

21.09.2019 20:37

1994-cü il sentyabrın 20-də imzalanmış ''Əsrin müqaviləsi'' Azərbaycan tarixində yeni səhifənin başlanğıcını qoydu. İlk dəfə olaraq Azərbaycan nefti müstəqil Azərbaycan dövlətinə xidmət göstərməyə başladı. Həmin tarixdən bu günə qədər aparılan islahatlar, görülmüş işlər Azərbaycanın dünya miqyasında uğurla inkişaf edən ölkə kimi tanınmasına səbəb oldu.

Millət vəkilləri qeyd edirlər ki, "Əsrin müqaviləsi"nin imzalanması tarixi hadisədir və onun faydasını bu gün Azərbaycan dövləti və xalqı görür. Saziş ulu öndər Heydər Əliyevin neft strategiyasının tərkib hissəsidir.

"Əsrin müqaviləsi"nin icrası nəticəsində neftdən əldə edilmiş gəlirlər ölkəmizin sürətli inkişafı və sosial məsələlərin həlli üçün şərait yaratdı.

Millət vəkili Elman Nəsirovun sözlərinə görə, neftdən əldə edilmiş gəlirlər ölkəmizin beynəlxalq mövqelərinin möhkəmləndirilməsi üçün imkan yaratdı. Onun sözlərinə görə, şəhərlərin müasirləşdirilməsi və kəndlərin abadlaşdırılması, həmçinin müntəzəm şəkildə quruculuq və abadlıq işlərinin aparılmasının təməlində neft sənayesi dayanır.

Görünən odur ki, yürüdülən düzgün iqtisadi siyasət nəticəsində milli sərvətimiz olan neft uzun müddət dövlətmizin inkişafında önəmli rol oynayacaq.

Xezerxeber.az mövzu ilə bağlı daha ətraflı videomaterialı təqdim edir:

© xezerxeber.az

FOTOQALERIYA






781 dəfə oxunub

XƏBƏRLƏR

ÇOX OXUNANLAR