Ali məktəblərə imtahansız qəbul olmaq istəyən subbakalavrların qeydiyyatı başa çatır - VİDEO

16.07.2019 19:28

Ali təhsil müəssisələrinə imtahansız qəbul olmaq istəyən subbakalavrların qeydiyyatı davam edir.

Xezerxeber.az-ın məlumatına görə, 2012-ci ildən indiyədək orta ixtisas məktəblərini, yəni kollecləri bitirənlərə subbakalavr dərəcəsi verilir. Bu ildən ilk dəfə olaraq subbakalavrlara ali məktəblərə imtahansız qəbul şansı verilir.

Bunun üçün onlar Dövlət İmtahan Mərkəzinin saytında "Şəxsi kabinet" yaratdıqdan sonra "Subbakalavrın elektron ərizəsi" formasını təsdiq edirlər. Ərizə qəbulu sabah yekunlaşacaq.

Dövlət İmtahan Mərkəzinin Mətbuat katibi Xanlar Xanlarzadənin sözlərinə görə, subbakalavrlar abituriyentlərlə eyni məqamda ixtisas seçimində iştirak edirlər. İxtisas seçimi iyulun 24-dən avqustun 6-a qədər keçiriləcək.

Xanlar Xanlarzadə qeyd edib ki, subbakalavrların ixtisas seçimində iştirak etmələri onların hamısının tələbə olacağı anlamına gəlmir. Çünki statistikaya əsasən hər il ali məktəblərə qəbul imtahanları zamanı 5-10 faiz civarında boş qalan plan yerləri olur.

Dövlət İmtahan Mərkəzi Təhsil Nazirliyi ilə birlikdə ixtisasların uyğunlu cədvəlini müəyyən ediblər və cədvəl abituriyent jurnalında dərc edilib. Subbakalavrlar ixtisas seçərkən cədvəli nəzərə almalıdırlar.

Sabah axşam saat 12-ə qədər ərizələrini təsdiqləməyən subbakalavrlar ixtisas seçiminə buraxılmayacaqlar.

Xezerxeber.az mövzu ilə bağlı daha ətraflı videomaterialı təqdim edir:


© xezerxeber.az

FOTOQALERIYA






212 dəfə oxunub

XƏBƏRLƏR

ÇOX OXUNANLAR