Yeni virus “Facebook” vasitəsilə kompüterləri dağıdır FOTOİZAH

"The Hacker News” portalı "Facebook” istifadəçilərini son dərəcə ehtiyatlı olmağa çağırıb.

Buna səbəb yeni yayılan dağıdıcı virusdur.

"Kasperski” laboratoriyasında aşkar edilib ki, "Facebook”da yeni virus yayılır. Dostlardan gələn "video”ya tıklanıldığı zaman virus istifadəçini zərərli sayta yönləndirir.

Adətən göndərilən linkin başlanğıcı belə görünür – bit.ly.

İstinada keçərkən isə istifadəçi "video” kimi görsənən şəklə tıklayır və bu zaman ona "video”nu görmək üçün "Flash Player”i yeniləmək təklif edilir.

Təbii ki, bu halda təklif hiylədir. Çünki "Flash Player” əvəzinə viruslu EXE-fayl yüklənməyə başlayır.