Xəzər Xəbər

Cəlilabadda karantin rejiminə riayət etməyənlərə xəbərdarlıq edilib

Region | 14:10 • 28 Mart 2020
Cəlilabadda karantin rejiminə riayət etməyənlərə xəbərdarlıq edilib

Cəlilabadda karantin rejiminə riayət etməyənlərə xəbərdarlıq edilib.

Daxili İşlər Nazirliyi mətbuat xidmətinin Lənkəran regional qrupundan xezerxeber.az-a verilən məlumata görə, elan edilən xüsusi karantin rejim qaydalarının təmin olunması və Nazirlər Kabineti yanında Operativ Qərargahın tələb və tövsiyələrinə uyğun genişmiqyaslı tədbirlər Cəlilabad rayonunda da davam etdirilir.

Bu məqsədlə Cəlilabad RPŞ-nin əməkdaşları tərəfindən rayon ərazisində koronavirus infeksiyasına qarşı preventiv mübarizə tədbirlərinin gücləndirilməsi məqsədilə 65 yaşdan yuxarı insanların evdən çıxmasıyla bağlı qadağalar nəzərə alınaraq, onlarla profikatiki söhbətlər aparılmaqla yaşadıqları ünvana qaytarılması təmin olunur.

Bir daha izah olunur ki, həyata keçirilən bütün tədbirlər sakinlərin təhlükəsizliyinin təmin edilməsi və onların sağlamlığının qorunmasına xidmət edir. Bu müddət ərzində evdə qalmalarının özləri və digərlərinin sağlamlığı üçün mühüm əhəmiyyət kəsb etdiyi vurğulanıb. Onlarla maarifləndirici söhbətlər aparılıb.

Xəbər lenti