Xəzər Xəbər

Ucar sakininin oğlu tərəfindən öldürüldüyü məlum olub

Region | 10:52 • 13 İyul 2020
 Ucar sakininin oğlu tərəfindən öldürüldüyü məlum olub

Ucar sakininin qətlinin üstü açılıb.


Balta ilə baş nahiyəsindən ağır xəsarət yetirilərək Göyçay Mərkəzi Rayon Xəstəxanasına yerləşdirilən və orada vəfat edən rayonun Bərgüşad kənd sakini, 1969-cu il təvəllüdlü Bayram Ata oğlu Abbasovu, oğlu, 1994-cü il təvəllüdlü Əhliman Abbasov tərəfindən öldürdüyü məlum olub.


Xatırladaq ki, hadisə baş verən gün B. Abbasovun yaxın qohumları tərəfindən öldürüldüyü ehtimal edilir. Bu səbəbdən mərhumun qardaşı uşaqları şübhəli şəxs qismində saxlanılmışdı. Aparılan araşdırmalar nəticəsində B. Abbasovu oğlu tərəfindən öldürüldüyü təsdiqlənib.


Qeyd edək ki, iyulun 10-da saat 03 radələrində Ucar rayonu, Bərgüşad kənd sakini Bayram Abbasovun bir və ya bir neçə şəxs tərəfindən döyülərək müxtəlif dərəcəli bədən xəsarətləri alması və aldığı xəsarətlərdən 11 iyul 2020-ci il tarixdə Göyçay rayon mərkəzi xəstəxanasında ölməsi barədə məlumat daxil olub.


Dərhal prokurorluq əməkdaşları tərəfindən hadisə yerinə baxış keçirilmiş və digər zəruri prosessual hərəkətlər yerinə yetirilib.


Faktla bağlı rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. (APA)

Xəbər lenti