Hacıqabulda mənzildən oğurluq edən keçmiş məhkum yaxalanıb

Hacıqabul rayonunda qadın sakin noyabrın 4-də Daxili İşlər Nazirliyinin (DİN) 102 - Zəng Mərkəzi Xidmətinə və rayon polis şöbəsinə müraciət edərək ona məxsus fərdi evdən ümumi dəyəri 2715 manat olan məişət və geyim əşyalarının oğurlanması ilə bağlı məlumat verib.

DİN-in Mətbuat xidmətinin Şirvan regional qrupundan xezerxeber.az-a verilən məlumata görə, oğurluğu törətməkdə şübhəli bilinən rayon sakini, əvvəllər məhkum olunmuş 28 yaşlı M.Abdullayev Hacıqabul Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində saxlanılıb. Dindirilmə zamanı o, törətdiyi cinayət əməlini etiraf edib. Onun oğurladığı əşyalar maddi sübut kimi götürülüb.

Faktla bağlı Hacıqabul Rayon Polis Şöbəsinin İstintaq bölməsində araşdırma aparılır.