Xəzər Xəbər

Mingəçevirdə evdən oğurluq edən şəxslər saxlanılıblar

Region | 12:41 • 15 Oktyabr 2019
Mingəçevirdə evdən oğurluq edən şəxslər saxlanılıblar

Mingəçevir şəhər polis şöbəsinə mənzillərdən birindən dəyəri 600 manat olan istilik sistemlərinin oğurlanması barədə müraciət daxil olub.


Daxili İşlər Nazirliyinin Mətbuat xidmətindən xezerxeber.az-a bildiriblər ki, daxil olmuş müraciət əsasında polis əməkdaşları tərəfindən hadisə yerinə baxış keçirilib, müvafiq araşdırmalar aparılıb.


Hadisəni törətməkdə şübhəli bilinən 2 nəfər - Mingəçevir şəhər sakinləri Sadiq Mehdiyev və əvvəllər də oğurluğa görə məhkum olunmuş Bəhruz Səmədov keçirilmiş əməliyyat-axtarış tədbirləri nəticəsində saxlanılıb.


Saxlanılan şəxslər oğurladıqları istilik sistemlərini metal qəbulu məntəqələrinə satdıqlarını etiraf ediblər.


Faktla bağlı araşdırma aparılır.

Xəbər lenti