Xəzər Xəbər

Çingiz Sadıxovun arxivi muzeyə təhvil verilib

Mədəniyyət | 13:02 • 24 Yanvar 2018
Çingiz Sadıxovun arxivi muzeyə təhvil verilib

Azərbaycanın tanınmış pianoçusu, Xalq Artisti Çingiz Sadıxovun həyat yoldaşı Ceyran Sadıxova sənətkarın arxiv materiallarını Azərbaycan Musiqi Mədəniyyəti Dövlət Muzeyinə təhvil verib.


Muzeyin direktoru, Əməkdar Mədəniyyət İşçisi Alla Bayramova AZƏRTAC-a bildirib ki, foto, qəzet, fəxri fərmanlar, afişalar və sənətkarın yaradıcılığını əhatə edən 150-dək sənəd muzeyin fonduna daxil edilib. Yaxın günlərdə muzeydə Çingiz Sadıxovun xatirəsinə həsr edilən tədbir çərçivəsində daxil olan materiallar ziyarətçilərə təqdim olunacaq.


Qeyd edək ki, görkəmli musiqiçi Çingiz Sadıxov 1994-cü ildən Amerika Birləşmiş Ştatlarında yaşayıb, 2017-ci il dekabrın 30-da 88 yaşında San-Xose şəhərində vəfat edib. Yanvarın 16-da Bakıda, ikinci Fəxri xiyabanda torpağa tapşırılıb.

Xəbər lenti